სასოფლო-სამეურნეო კოოპერატივი წარმოადგენს „მეწარმეთა შესახებ" და „სასოფლო-სამეურნეო კოოპერატივების შესახებ" საქართველოს კანონების მოთხოვნათა შესაბამისად შექმნილ კერძო სამართლის იურიდიულ პირს.

სასოფლო–სამეურნეო კოოპერატივის სტატუსის მოპოვების შემდეგ კოოპერატივები თავისუფლდებიან გადასახადებისგან 2017 წლამდე და ასევე სარგებლობენ სხვა შეღავათებით :

 

• კოოპერატივი თავისუფლდება მოგების გადასახადისგან;

• კოოპერატივის ქონება, რომელიც გამოიყენება სასოფლო-სამეურნეო საქმიანობისთვის მათ შორის ლიზინგით მიღებული ქონება არ იბეგრება ქონების გადასახადით;

• სასოფლო-სამეურნეო საქმიანობით მიღებული შემოსავალი და გრანტი არ იბეგრება მოგების გადასახადით;

• სასოფლო-სამეურნეო კოოპერატივში დასაქმებულ პირთა ხელფასები არ იბეგრება საშემოსავლო გადასახადით;

• არ იბეგრება გაცემული დივიდენდი;

• სასოფლო-სამეურნეო კოოპერატივისთვის არ არის დაწესებული მოგების გადასახადის ზღვარი წლიური ბრუნვის მიხედვით, რომელიც, მაგალითად შპს-ს შემთხვევაში 200 000 ლარს შეადგენს;

• სასოფლო–სამეურნეო კოოპერატივი სარგებლობს უპირატესობით, მიიღოს გრანტი (საჩუქარი);

• სახელმწიფოს მხრიდან დაგეგმილია სასოფლო–სამეურნეო კოოპერატივებში დასაქმებულების უფასო სწავლება–გადამზადება, მიზნობრივი პროგრამები და კვალიფიკაციის ასამაღლებელი სხვადასხვა პროგრამა; 

• სასოფლო–სამეურნეო კოოპერატივი, როგორც გაერთიანება, კრედიტუნარიანად ითვლება და საკრედიტო რესურსი მისთვის უფრო მეტად ხელმისაწვდომია.

• სასოფლო-სამეურნეო კოოპერატივები სარგებლობენ ყველა იმ საგადასახადო შეღავათებითაც, რომლებიც სოფლის მეურნეობასთან მიმართებაში მოქმედებს.
  
  „სასოფლო-სამეურნეო კოოპერატივების განვითარების“ კომპონენტის  მიზანია:
   

• ფერმერთა გაერთიანება კოოპერაციული მეურნეობის წარმატებული მოდელის შექმნის მიზნით; 

• სოფლისა და სოფლის მეურნეობის აღორძინების ხელშეწყობა;

• საოჯახო მეურნეობების განვითარება, მათი კოოპერირება და სიცოცხლისუნარიანობის გაძლიერება; 

• სასოფლო-სამეურნეო წარმოების პროდუქტიულობის გაზრდა, კონკურენტუნარიანობის  ამაღლება და სერვისებზე ხელმისაწვდომობის
  გაზრდა.
  
   

 

„ადგილობრივი მოსახლეობის განვითარების ინიციატივა“  (CDI) ინიცირებულია და დაფინანსებულია კომპანია BP-სა და მისი პარტნიორების მიერ ბაქო-თბილისი-ჯეიჰანისა და სამხრეთ კავკასიური მილსადენის კომპანიებში.  პროექტის განმახორციელებელი პარტნიორია რეგიონული განვითარების ასოციაცია (RDA).