ბიზნეს იდეების კონკურსი
მიკრო და მცირე ბიზნესის წამოსაწყებად
სამცხე ჯავახეთსა და ქვემო ქართლში

 

2015 წლის  15 მარტს სამცხე ჯავახეთსა და ქვემო ქართლში მიკრო და მცირე მეწარმეობის ხელშეწყობის პროგრამის ბიზნეს იდეების კონკურსი დაიწყო და განაცხადების მიღება 18 მაისამდე გაგრძელდება.
 

მიკრო და მცირე მეწარმეობის ხელშეწყობის პროგრამა ხორციელდება საქარველოს პრემიერ მინისტრის ინიციატივის „აწარმოე საქართველოში“ ფარგლებში და მიზნად ისახავს საქართველოს რეგიონებში მიკრო და მცირე ბიზნესის განვითარებას - მეწარმეების დაფინანსებისა და ცოდნის ამაღლების გზით. პროგრამას ქვეყნის მასშტაბით ახორციელებს სსიპ მეწარმეობის განვითარების სააგენტო  კონრაქტორი არასამთავრობო ორგანიზაციების მეშვეობით. სამცხე ჯავახეთსა და ქვემო ქართლში  სააგენტოს კონტრაქტორია ააიპ რეგიონული განვითარების ასოციაცია (RDA).

კონკურსის მიზანია გამოავლინოს საუკეთესო ბიზნეს იდეები. საუკეთესო ბიზნეს იდეების ავტორებს მიეცემათ შესაძლებლობა გაიარონ სპეციალური ტრენინგი, შეადგინონ პროფესიონალური ბიზნეს გეგმა და კონკურსის წესით მოიპოვონ თანადაფინანსება (5,000 ლარამდე 1 მეწარმე, 10,000 ლარამდე 2 მეწარმე, 15,000 ლარამდე 3 მეწარმე) მის განსახორციელებლად. თანადაფინანსების მოპოვების შემთხვევაში მეწარმეს მოეთხოვება თანადაფინანსების სულ მცირე 20% ოდენობის ფულადი თანამონაწილეობა ბიზნესში.
 

თანადაფინანსების მოსაპოვებლად, მეწარმეები მიიღებენ მონაწილეობას ჯერ ბიზნეს იდეების კონკურსში, ხოლო სპეციალური ტრენინგის შემდგომ კი წარუდგენენ საკუთარ ბიზნეს გეგმებს სპეციალურ კომისიას.