პროგრამას ახორციელებს „რეგიონული განვითარების ასოციაცია“ (RDA).

​

პროგრამის მიზანია BP-ს მილსადენების, ბაქო–თბილისი–ჯეიჰანის ნავთობსადენის და  სამხრეთ კავკასიის გაზსადენის გასწვრივ მდებარე 60 სოფელში (სამცხე–ჯავახეთი 33; წალკის მუნიციპალიტეტი 27) თემების სოციალურ-ეკონომიკური განვითარების ხელშეწყობა, რაც თავის მხრივ დაეხმარება BP-ს, USAID-ის პროექტს „ზრდა“  და თემებს შორის ჰარმონიული ურთიერთობების გაღრმავებას.

​

პროგრამის ერთ-ერთ კომპონენტს წარმოადგენს მცირე ბიზნესის წამოწყების ან/და გაფართოების სტიმულირება და მხარდაჭერა. ამასთან დაკავშირებით, RDA აცხადებს კონკურსს ბიზნეს გრანტების  გაცემის თაობაზე.

საგრანტო პროგრამით დაფინანსებული ბიზნესი უნდა განხორციელდეს მხოლოდ CDI პროგრამის ფარგლებში გათვალისწინებულ სამიზნე თემებში.

განაცხადების განხილვისას უპირატესობა მიენიჭება იმ ბიზნეს პროექტებს, რომელთა ავტორებსაც ექნებათ პროექტით გათვალისწინებული საქმიანობის სათანადო გამოცდილება და რომლებიც წარმოაჩენენ წარმატებული განვითარებისა და ზრდის შესამჩნევ პოტენციალს. ასევე, პრიორიტეტი მიენიჭება ისეთ ბიზნესებს, რომელთა პირველი მოგება მოსალოდნელია 2020 წლის ბოლომდე. პროგრამის ფარგლებში  წახალისებულია 35 წლამდე ახალგაზრდების და ქალი მეწარმეების ჩართულობა.